Eitt skip er ikki bara eitt skip

segði Kristian Martin Rasmussen, reiðari, tá Christian í Grótinum fór av Klaksvík fyri seinastu ferð




Á lítlari samkomu í messuni umborð á Christian í Grótinum, vóru umboð fyri føroysku og Chilensku eigararnar saman við teimum sum seinstu 11 árini hava starvast umborð á Christian í Grótinum og nýggju chilensku manningini.

Í røðu síni segði Kristian Martin Rasmussen at eitt skip er ikki einans eitt skip:

- Eitt skip er ikki einans eitt skip, men ein partur av sálini og samleikanum hjá fólkinum sum varða av.

- Tá hetta skipið kom fyri 11 árum síðan var tað ein stór løta fyri fólki sum her býr. Sum eg havi sagt fyrr so hevur skipið verið til stóra signing fyri okkum sum hava starvast her umboð og fyri allan býin - ja eg trýgvi at skipið eisini hevur verið til signing fyri alla tjóðina.

- Vit eru stoltir av skipinum og sjálvur havi eg trupuleika at finna røttu orðini.

- Eg ynski at geva Gudi æruna og sum eg fyrr havi greitt tykkum frá - so hongur eitt skrivstað á vegginum her í messuni á donskum - sum í stuttum sigur at tað er Harrin sum gerð ríkna - einki er av okkum sjálvum!

- Onkuntíð kann hetta kennast løgi tá vit koma av dekkinum, sessat við borði í messuni meðan lastin er full av fiski - har vit hava strítt og strevast fyri at fylla skipið - men við at hyggja upp á skrivstaði síggja vit at utta Guds hjálp eru vit einki mentir.

- Við hesum orðum ynski eg at handa skipið yvir til tykkum og eg vóni at hetta skip verður til stóra sigingin fyri tjóð tykkara eins og tað manning sum her kemur at starvast.


Síðani deildi Kristian Martin bók við myndum úr Føroyum til chilensku manningina.

Nýggi eigarin takkar fyri orðini og segði at móttøkan í Føroyum kom púra óvantað:

- Eg vil takka fyri móttøkuna í Føroyum sum kom púra óvantað.

- Vit høvdu als ikki vantað at komið í samband við eitt so sjarmerandi fólkaslag og upplivað eitt so vakurt land.

- Ei heldur høvdu vit roknað við at fingið tað æru at heilsa uppá borgarstjóran í hesum vakra býi.

- Tað er eisini hugaligt at upplivað at hetta skipið sum bleiv bygt í landið okkara - eftir drúgva tíð í útlegd nú kemur heim aftur til okkara.